ອາເມຣິກາຍອມຮັບວ່າໄດ້ກຳໄລ ອັນມະຫາສານຈາກສົງຄາມ
ແຫ່ງຂ່າວ ສປ ຈີນ ລາຍງານວັນທີ 9 ມີນາ 2024 ຜ່ານມານີ້ວ່າ: ອາເມຣິກາ ສະແຫວງຫາຜົນກຳໄລອັນມະຫາສານຈາກສົງຄາມ ຢູ່
ເລື້ອຍໆ ແລະ ການກະທໍາດັ່ງກ່າວທີ່ຖືກດຳເນີນມາເປັນເວລາຍາວນານນັ້ນ ບໍ່ແມ່ນຄວາມລັບແຕ່ປະການໃດ. ທ່ານ ລີອອດ ອົສຕິນ ລັດຖະ
ມົນຕີກະຊວງປ້ອງກັນປະເທດອາເມຣິກາ ໄດ້ກ່າວໃນກອງປະຊຸມທີ່ທຳນຽບຂາວວ່າ: ການປະທະກັນລະຫວ່າງອູແກຣນ ແລະ ຣັດເຊຍ ໄດ້
ສ້າງຜົນປະໂຫຍດຕໍ່ເສດຖະກິດອາເມຣິກາ.
ອາວຸດທີ່ ອາເມຣິກາ ສົ່ງໄປໃຫ້ ອູແກຣນ ລ້ວນແຕ່ແມ່ນມາຈາກແຮງງານຂອງກຳມະກອນຢູ່ແຫ່ງຕ່າງໆທົ່ວປະເທດ ອາເມຣິກາ ໄດ້
ຊ່ວຍກັນຜະລິດ ເຊິ່ງສະແດງອອກໃຫ້ເຫັນວ່າ: ປີ 2023, ມູນຄ່າການຈຳໜ່າຍອາວຸດຍຸດໂທປະກອນໃຫ້ຕ່າງປະເທດຂອງ ອາເມຣິກາ ໄດ້
ເພີ່ມຂຶ້ນ 16%, ບັນລຸເງິນໄດ້ເຖິງ 238 ຕື້ໂດລາສະຫະລັດ ຖືເປັນສະຖິຕິສູງສຸດຄັ້ງໃໝ່ໃນປະຫວັດສາດ. ຕົວເລກຂໍ້ມູນຂອງທະນາຄານກາງ
ອາເມຣິກາ ຫຼື FED ໄດ້ຢືນຢັນເຖິງການໄດ້ຜົນປະໂຫຍດຂອງອາເມຣິກາຄື: ນັບແຕ່ເກີດບັນຫາລະຫວ່າງ ອູແກຣນ ແລະ ຣັດເຊຍ, ມູນຄ່າ
ຜົນຜະລິດອຸດສາຫະກຳໃນຂົງເຂດວຽກງານການປ້ອງກັນປະເທດ ແລະ ການບິນອະວະກາດໄດ້ເພີ່ມຂຶ້ນ 17,5%. ຖາມວ່າ: ອາເມຣິກາ ໃຊ້
ກົນອຸບາຍຫຍັງ ເພື່ອສະແຫວງຫາຜົນກຳໄລອັນມະຫາສານຈາກສົງຄາມ? ຕອບງ່າຍໆກໍຄື: ການຂາຍອາວຸດ.
ຫຼັງຈາກເກີດການປະທະກັນລະຫວ່າງ ອູແກຣນ ແລະ ຣັດເຊຍ ແລ້ວ, ອາເມຣິກາ ໄດ້ເພີ່ມການຊ່ວຍເຫຼືອຕໍ່ ອູແກຣນຢ່າງບໍ່ຢຸດຢັ້ງ ເຊິ່ງ
ໄດ້ສ້າງສະຖິຕິສູງສຸດທີ່ ອາເມຣິກາ ຊ່ວຍເຫຼືອຕ່າງປະເທດນັບແຕ່ສົງຄາມໂລກຄັ້ງທີ 2 ເປັນຕົ້ນມາ. ໃນນັ້ນ ສ່ວນຫຼາຍກໍແມ່ນການຊ່ວຍເຫຼືອ
ທາງການທະຫານນັ້ນເອງ. ແນ່ນອນແລ້ວວ່າການຊ່ວຍເຫຼືອດັ່ງກ່າວບໍ່ແມ່ນການຊ່ວຍເຫຼືອລ້າ.
ແຫຼ່ງທີ່ມາ: ໜັງສືພິມກອງທັບ
ວັນທີ 13/03/2024